[Plautdietsch] Vejäwunk: Wie sent Menschen, wie moaken Fäla (I)

Von Timo Schmitz

Aules in disa Welt haft een Veheltniss to een aundra Sach, maun mott aunerkjanen daut goanuscht een Sach fa sikj bestot. Gott haft ons so wunderbar jemoakt un daut meent uk daut wie aundre Menschen bruken. Een Fru kaun nich onen äaren Maun läwen (Jesaja 54:5) un Menschen kjennen uk nich onen äare Omwelt, onen de Ied, bestonen. Aulet is aufhänjich vonner aundren Sach! Wie läwen blooss, wiels onsa Mutta ons jebuaren haft un onsa Mutta kjennt ons bloos op de Welt brinjen, wiels Gott dän Muttakuarn beseelt haft. Veleicht sent wie soogoa väabestemt (daut kaun maun in Jeremia oppkjiken).

Wiels wie onen de aundra Menschen nich läwen kjennen un wie een Ordnung bruken, es daut Jesaz needig. Jesazen komen nich von gauns alleen op. Aus Vehaltnissen aunstieen Virtudes un von Virtudes aunstieen Flichten un von Flichten aunstieen Rajchten un derch de Rajchten komen de Jesazen. [Leo, 2014] Daut aule sikj an de Jesazen halten un kjeen Man un kjeen Fru sikj iwwa daut Jesaz stellt, nannt maun de Harschoft vonne Jesazen oda op Spaunisch Estado de Derecho un in Dietschlaund sajcht maun uk Rajchtstautlichkjeit. Oba Leo schlot de Harschoft vonne Jesazen un de Virtudes aus een Eenheit väa. De Mensch, soo sajcht hee, es een jettliches Wäsent un een Staautsbirja. [Leo, 2014] Un daut es rechtich: De Mensch es jeschaufen von Gott un hee haft ons jemoakt aus een wunderbare Wäsent met een natuamässich Gootheit. Daut meent: wie sent goot, wie wellen de aundra Menschen goot behaundlen. Auladinjs gauf et uk Sachen, dee ons ensudlen. Daut meent: Wie kjennen onse Gootheit toodkjen un ons fa daut Schlechte entscheiden.

Wie sullen ons aulso an de Jesazen halten oba kjennen see uk bräakjen. Oba wan een Mensch daut Jesaz bräajkt un et am Leet doot, sullen wie am – soo sajcht Leo – in de Jesellschaft trigjnämen. [Leo, 2014] Daut es aulso wichtich daut een Jesellschaft jnädisch es. Wan wie een Fäla moaken un vestonen daut et een Fäla wea, bitten wie de Menschen ons to vejäwen. Een Artikel in Psychology Today vonnem Joa 1999 sajcht oba daut Vejäwunk vondoags to huachje’acht gauf een daut et uk goot es, wan maun nich vejäwt. [kjik Safer, 1999 zit. no Bolton 2017] Däm Jedanken stemmen ekj nich toop. Ekj erinren mie anne Profet Jona, dee von Gott een Oppgow emfangen haft un utjeproowt haft ver siene Oppgow to flichten, un daut meent uk, väa Gott to flichten. Oba Gott haft am jerat un uk vejäwen. Dan es hee no Nineveh jejange to saajen daut Gott de Staut venichten woat. Oba wiel de Menschen en Nineveh Gott jebeten haben an to vejäwen, haft Gott de Staut nich venicht un Jona es boosich jeworen. [Vogel, 2021, Hsrg.; Diez-Prida, 2021] Oba towaut es hee bosich? Gott haft am uk vejäwen, wuarom saul Gott Niniveh dan nich uk vejäwen??

Diez-Prida schriew: „Und was tut Gott? Er gibt ihm noch in aller Geduld eine Lektion in Empathie […]“ [Diez-Prida, 2021]. Daut meent: Wan uk Jona nochmal op Gott nich jehiert haft, vejäwt Gott am aum Enj een tweede Mol. Oba waut moaken wie Menschen? Wie ve’uadellen aundra Menschen fa äre Fäla un stigmatisieren see. Kaun daut sennen waut Gott von ons wel (daut wie nich sienem Väabilt foljen)? Daut es auladinsj een rhetorische Froag. Gott saajcht daut wie uk jnädisch sennen sullen. Wie liaren de Jnod von Gott en Micha 7:18-20 un ennem ieschten Buak Mose liaren wie ennem finjtem Kapitel daut Henoch met Gott jejangen es, wiels Henoch Gott aus een Väabilt jenome haft (imitatio dei). De Midrasch Aggada sajcht daut hee een Jerechter wea un Gott an to sikj jenomen haft: derdurch waundelt hee met Gott. [vgl. uk Gelman, 2015]  

Nich bloos de Judentum un Tjristentum liaren, daut maun jerecht sennen saul, oba maun kjenn disa Maxime uk ennen oostlichen Liaren jefinnen. Soo saul maun sikj mit dem Dao toopbrinjen un eene Eenheid formen, daut meent, maun saul met Gott veschmelten. Un daut es auladinsj uk een Ziel vonne Juden un Tjristen: see wellen de Harlichkjeit von Gott erfoaren. Un wiels Gott erboarmen haft un onse Sind vejäwen kaun, soo sullen wie uk de Menschen vejäwen, dee jäajen ons jesindjet haben.

Literatur:

Diez-Prida, Elí: Engstirniger Prophet geht baden. 17. September 2021. https://www.diez-prida.de/jona-geht-baden/, aufgerufen am 28. November 2021.

Gelman, Gabi: Chanoch to Avraham (based on a Shiur by R’ Amnon Bazak). Sefaria Source Sheets, 3. Oktober 2015. https://www.sefaria.org/sheets/17513.1?lang=bi, aufgerufen am 27. August 2018.

Leo Koguan: The Yellow Emperor Hypothesis: Xuan Yuan Anti-entropic Operating System 2.0. Paper presented on “International Conference on The Yellow Emperor’s Thought vs. Hundred Schools of Thought in Pre-Qin Period.” 13. September 2014. [online: https://www.tsinghua.edu.cn/publish/lawen/5564/20140926172110148290171/1.pdf].

Safer, Jeanne: Must You Forgive?. Psychology Today, Juli 1999. Zitiert nach Scott Bolton: Must I Forgive? Rabbi Scott Bolton – Congregation Or Zarua Limmud L’Aseret Y’mei Tshuvah. Sefaria Source Sheet, 25. September 2017. https://www.sefaria.org/sheets/80159, aufgerufen am 29. Juli 2018.

Vogel, Winfried (Hrsg.): Die Bibel – das Leben: Hoffnung auf Ruhe. Keine Flucht vor Gott. Hope Media, 2021.

Ve’effentlicht am 16. April 2022

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: