La ley i el individuo – Topa el balans

Por Timo Schmitz

La sociedad no es un individuo, al kontrario es una entidad donde munchos forman una unidad. Ma frekentemente enkontramos terminos kolektivos en el singular. Por egzempio, la natura konsta de munchas kosas, ma en el termino “natura” eyas forman una unidad. Indemas, la natura eksiste en dos formas. La natura puede deskrivir el ambiente al torno sin las kosas ke el ombre lo adjustar. O la natura puede deskrivir lo ke los kinezos yama ‘ziran’ – los karakteristikos, la simplisidad, lo ke esta. Bivamos en la natura i semos kreaturas en la natura, esto es porke no podemos sin lo bivir. I komo no podemos bivir sin la natura, no podemos bivir sin Dyo – El es el orijen. En el prinsipyo eksiste Dyo i a la fin eksistira Dyo –  El deve sympre eksistir ! Su eksistenya es sin fin !

Podemos imitar Dyo por aksesir a su unidad. I en el momento donde el choshech en el olam, la esjurudad, es mas fuerte, serramos los ojos por nos ‘anular’ ante el Infinito ke es una unidad absoluta i solamente byen [Sutton, 2012] – dunke, el Byen ! Este estado se yama ‘bitul’. Agora byen, syempre devemos aboltar de bitul, komo se deskrive en Ezekiel, « Y los animales corrían y tornaban á semejanza de relámpagos » (Reina Valera, 1909). Gardamos una impresyon de esta eksperiensya en muestras vidas. El estado de bitul es vaziyo, komo la shunyata en el Budismo – no sera un ego, una ekspresyon de « yo », porke dishe ke en esto estado, los ombres komplamente deven mesirut nefesh.[cp. Sutton, 2012] Mesirut nefesh signifika « auto-sakrifikio » i esta syempre signifika ke uno deve preokuparse por los otros. I los otros se preokupan de uno. Aunke, tristamente, esto ya no se puede esperar oy. Sovre el kudiado, no solo miramos lo ke es byen para mozotros, ma tambyen lo ke es bueno para los otros.

Komo seres umanos no podemos bivir solos, syempre estamos en interaksyon. Ma kon las relasyones surjen las virtudes i kon las virtudes surjen los deveres. [Leo, 2014] Los deveres konduzen al surjimento de derechos i kon los derechos venen las leyes. [ibid.] Komo resulato devemos tenir un imperio de la ley i del virtud (rule of law and virtue). Resivemos una orientasyon, ma naturalmente, es solo una ayuda. Por esto, konfiar kon siego puede kausar problemas. Las leyas umanas no estan ultima! Indemas, muestra mente i muestro korason a veses entran en konflikto. Indemas, el korason i la mente deven lavorar djuntos. En esta manera dominan los dezeos. Ma los dezeos son importantes tambyen. La pregunta es si los dezeos venen del puerpo o si los dezeos son divinos. Los dezeos del puerpo son malos, ma los dezeos divinos son byen i mos rekuerdan al Kreador. I tambyen el sekso es un dezeo divino.

Al primero, todos tenen derechos i todos tenen deveres. Ma la ley puede verse komo una intervensyon en muestra natura umana tambyen, komo sujiro el filosofo kinezo Zhuangzi. Los dos argumentos son importantes. Dyo mos krea komo semos i dainda mas, estava satisfecho kon esto. Ma tambyen desho en klaro ke krea todo para la Ley, la Tora. De fakto es difisil dudar ke las leyes sean nesesarias. La ley i los aksyones indviduales se oponen a vezes. En la istoria, avia ideas diferentes sovre la ley, i komo Leo muestra, la ley es en una krisis. En prinsipyo tomemos el modelo de Rawls ke defende ke todos deven se benefisiar. Ma si mozotros vamos pensiamento a pensiamento, akavara eksaktemente en la sociedad moderna. Por lo tanto, es solo una djustifikasyon para muestra sociedad aktual, ma no troka kambios importantes. Leo se yama una tautolojia.

Las virtudes de Konfuzio estan desactualizados i la djente intento varias formas de los superar. El legalismo del noble Shang no es util porke sujire ke las personas deven ser kastigados kon la dureza majorita possible komo avertensya, para ke los otros no aun se atrivan a kometer una infraksyon de la Ley. Ma semos umanos i los umanos no son perfektos, por esto tenen ke kometer yervos. Los kastigos severos por los yervos menores krean un sistema de terror. Por lo ke ay ke rechezar el legalismo de Shang. A la fin, lejitimar la ley kon Dyo tambyen es komplikado, porke no todo el olam kree nesesaryamente en Dyo, komo senyalo Leo. De todos modos, deshe en klaro ke la ley biblika es tambyen importante en una esfera sekular. Munchas reglas basikas de las sociedades oksidentales ke se tomaron de la Ley biblika son universales i, por esto, se pueden enkontrar en todas las puevlos en el olam.

Agora byen, todos los umanos kometan errores i porke todos esperan el perdon. De fakto, perdonar es un akto noble i komenza kon mozotros. Intonses, si espera ser perdonado, perdonara a los otros tambyen. Todos meresen una segunda oportunidad.

Literatura:

Avraham Sutton: Rabbi Nachman of Breslov: Hitbodedut and Bitul to Ein Sof, Running and Returning. 2012.

Leo Koguan: The Yellow Emperor Hypothesis: Xuan Yuan Anti-entropic Operating System 2.0. Paper presented on “International Conference on The Yellow Emperor’s Thought vs. Hundred Schools of Thought in Pre-Qin Period.” 13 September 2014, p 20 f. [online: https://www.tsinghua.edu.cn/publish/lawen/5564/20140926172110148290171/1.pdf].

Publikado el 8 septiembre 2020.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: