Por Timo Schmitz
El amor es una fuerza fuerte ke vene del Dyo. Dyo es el ultimo amor i eso es porke todo el amor en muestro mundo es divino. Las kosas compartan una parte de la fuente, i porke el Dyo es la fuente del amor, todas las kosas ke tenen el amor [=los ombres] kompartan una parte del Dyo [en el alma]. Dyo es el Byen, i eso es porke el amor solo es byen tambyen, porke Dyo es la fuente. Grasyas al amor, podemos desgarrar las fronteras. Indemas, el amor es un reflejo. Los ombres ke estan en un estado de amor [= les amantes] siempre tienen una buena intensyon, porke el amor es byen, i todo ke es konektado al amor es byen tambyen. Los amantes reflejan porke entran en una relasyon, eyos forman una unidad. I eyos siempre keren formar una unidad kon sus puerpos tambyen. Komo ya dishi, la refleksyon entre dos personas krea un espas por un estado komun donde pensan konjuntos. I porke una persona siempre es solamente la persona si mizmo, el espas eksiste mas aya de la mente de una persona. Eyos estan en kontakto kon el modelo, i por lo ke tenen una konseksyon kon el alma. Puedan kaptar el modelo solamente kon el alma!
I finalmente no solo estamos en unidad kon la pareja, ma kon las galaksiyas i el universo tambyen! Mozotros semos en la persona ke amamos! Komo la kara se refleja en el agua, enkontramos su imajen en la otra persona. [1] En el akto seksual, los dos amantes azan una unifikasyon – no solo kon sus puerpos, ma kon sus almas tambyen! Eyos pueden ir mas aya de sus puerpos en la unidad i por lo ke es una eksperiensya ekstrakorporal tambyen, ke aze una unifikasyon divina. Eso es porke el sekso es un mitzva. Indemas, la seksualidad es una forma de agandir la komprensyon i el orgasmo es la iluminasyon: un estado de la perfeksyon, un momento mas klaro. Puede deshir ke es una komprensyon de lo Absoluto por un momento.[2] En el akto si mizmo, el ombre da i la mujer resive. La koneksyon entre el ombre i la mujer es una reparasyon de sus partes inkompletas – eyos estan una unidad kompleta. El Talmud dishe ke el ombre i la mujer deven estar kompletamente desnudos kuando lo azan (Ketubot 48a) [3]. I kon el kontakt fisiko esta la posibilidad ke las fuerzas maskulinas i femininas puedan mezklarse en el estado spiritual i podemos rekrear en la forma de una mueva vida.
[1] Timo Schmitz: Le pouvoir de l’amour. 1 Jenero 2019; Laibl Wolf: The Art of Loving. Session 5: Reflected Love, How Long Does It Last?. Melbourne: Spiritgrow Josef Kryss Centre, 2012.
[2] Timo Schmitz: La sexualité comme réunion de l’âme. 10 Jenero 2019.
[3] ibid.
Publikado el 7 agosto 2020.
Timo Schmitz 