Por Timo Schmitz
En el prinsipyo eksiste Dyo: El es la razon i El es solo bueno. En konsekuensia, El es el primero intelekto i la fuente de todo ke es byen. Eso es porke todo ke es byen eksiste a kausa de Dyo. Alora todo ke eksiste de vedra es una manifestasyon del Byen, aunke es solo una kopia imperfekta. De fakto, solo Dyo es perfekto! Mozotros solo vemos la manifestasyon del Byen en muestro mundo – el mundo perseptivo – ma no podemos veer el Byen si mizmo (ke eksiste solamente en el mundo ideal). No podemos divinir perfekto, porke si fueramos perfekto, en konsekuensya eramos Dyo. Ma el ombre no era un Dyo, i porke no puede divinir perfekto si mizmo. Esa es la paradoja divertida: keremos ser perfektos i mas ideal, ma no podemos!
Indemas, muestra persepsyon no reflekta la vedra, i muestra persiva es inkompleta. En kontrario, la razon es la vedra, i si la razon i muestras persepsyones se enkontran, kreamos una mentira. Podemos akseder a la vedra grasyas al alma – i solo kon el alma! Es la interfaz entre El Dyo i el ombre. El ombre tene dos seksos – maskulino i feminino – i el es kreado b’tzelem elohim (un imajen del Dyo), por eso, Dyo tene los dos seksos tambyen! [Bereshit 5:2] Los dos seksos avan kualidades: el maskulino puede “recordar” i el feminino puede “observar” [Franklin, 2016]. Dyo es El Uno i El tene los dos kualidades, komo esta eskrito en Sanhedrin 2:17 ke una mujer soltera no esta kompleta sin un marido [Ein Jaakov, Glick Edition] – i esta komo una vasaja no kompleta [veer tambyen Isaiah 54:5-6].
Devemos aprender ke la vida se konstituye de recordar i observar: si rekordo ma no observo, no bivo en la realidad, i si observo ma no rekordo ya ke no bivo en la realidad. Lo ke rekordo nunka sera olvidado. En algun momento dospues de la kognisyon de una kosa, rekordaremos lo ke persiva (la kosa ke era persiva). I la proksima vez ke lo veamos esta mizma kosa nos demandemos “De onde ya lo vi?” Alora, rekordamos la vedra i las mentiras i entonses no savemos ke es real i ke es fantaziya. I es klaro ke solo la vedra es real – i la vedra vene del Dyo! (I porke de la razon!)
La koneksyon kon lo Ultimo (ke se yama el Byen, Dyo, El Uno etc.) es muestra razon ke yama λογιστικόν en la lengua kreka [i dishe “el parte razonable al alma”] i ke es parte del λόγος del Dyo. I porke Dyo es bien, i la razon vene del Dyo, eso signifika ke los ombres tenen una bondad basika. Esa es tranmitido kon el λογιστικόν, la parte en el alma ke es en koneksyon kon el λόγος. O disho ke el λογιστικόν tene akseso al konosimento real. Podemos realizar las kosas kon el konosimento ke bushka el ideal, ma no tropa al ideal. El ideal o la idea no es aksesable (es en el mundo ideal), ma el modelo es en muestra mente i grasyas al modelo podemos konozer las kosas. Aristoteles sujiro ke todo konsiste de materia i forma. Los dos forman una unidad. La materia se kontempla kon חכמה, la savidura. En kontraste, בינה refiere al prinsipiya de forma. Materia i forma eksistan kon solo komo potensyal, ma si los dos se reunen podemos “veer” la kosa. Por la koneksyon entre los dos nesesita una fuerza ke los rekonsiliar i ke yama דעת. I antes de los tres ke eksiste? En el prinsipyo, kuando la luz ilimitada (Dyo) komenza kon la kreasyon de una kosa, utiliza la fuerza transendental ke se yama כתר. En כתר, todo i al mismo nada se enkuentra. El komienzo es un tipo de “nyente”, ma en eso ya enkontramos todo. En el budismo, eso yama “shunyata”. [Schmitz, 2018] Ramban kree ke la luz es una metafora ke representa la materia i ke Dyo utiliza la fuerza del prinsipyo para la kreasyon de la sustansya ke el yama “una mala sustansya sin sustansya” – la nyente [Sarasohn, 2018].
Laibl Wolf escrive ke « Nada en el universo está en un estado de inamovilidad o descanso absoluto. La piedra aparentemente inmóvil es una colmena de actividad atómica. El hermosamente claro cielo estival iluminado por la luna está en verdad repleto con las reverberaciones de explosiones catastróficas de estrellas distantes y actividad gaseosa gigantesca. Hasta la plácida conducta de un alma cortés disfraza actividad química y electrostática que haría estallar los sesos de disco rígido de la computadora más grande. […] La cabalá enseña que mente y materia están conectados. Estamos en íntima relación con el gran cosmos. Hay algunos pensadores, y de hecho, científicos, que tropiezan con esta verdad cabalística, bastante independientemente. […] Mientras los científicos cuánticos buscan la subyacente base de la vida, la Cabalá ya describe esto en la forma de Sefirot — la corriente básica de energía creativa que apuntala a ambas, materia y personalidad humanas. Estas corrientes primordiales de creación existen en un estado no material, no corporizado, y luego permean mente y partícula por igual, dotando a cada cual con el potencial de la relación simbiótica y ‘comunicación’. » [Wolf, s.f.] I todo ke El Byen (Dyo) krea kon su fuerza es byen en su natura, komo Bereshit dishe : El Dyo vide “ke era bueno”. Todo ke Dyo krea era bueno (כּי-טוב) ! I ankorke Dyo kon solo krea las kosas buenas, topamos lo Malo en muestro mundo. Komo eso es possible ? De fakto, lo malo solo eksiste komo kualidad moral, ma no de manera metafisika [Hayes, 2006]. I tambyen en la Biblia, lo malo es solamente una kualidad moral i lo malo metafisiko en la Biblia es solo una alegorya de la kualidad moral [Schmitz, 2019].
Finalmente, DYO ES EL PRINSIPYO [Bereshit 1 :1], DYO ES EL BIEN [Teilim 100 :5], DYO ES LA LUZ [Teilim 27:1, 119:105, 119:130]; DYO ES LA RAZON [Yeshaya 1:18-19, 55:8-9; Irmiyahu 29:11; Miha 6:8, Mishlei 1:2-9, 3:5-6]; DYO ES EL AMOR [Dvarim 7:9, Irmiyahu 31:3; Tsfaniya 3:17; Teilim 86:15, 136:26] – i “La kandela del Sinyor es el aliento [el alma] del ombre ke eskudrinya lo sekreto de su ser”. [Mishlei 20:27] I komo Dyo es perfekto, el ombre deve imatar su natura [Bereshit 24:40 ; Dvarim 13:5 “En poz del Sinyor vuestro Dyo andaresh”].
Ein Yaakov. Compiled by Jacob ibn Habib and Levi ibn Habib. Translated into English by Shmuel Tzvi-Hirsch Glick of Chicago.1921. https://www.sefaria.org/Ein_Yaakov_(Glick_Edition)?lang=bi, rekuperado en 23 agosto 2018.
Josh Franklin: Lecha Dodi. Sefaria Source Sheet, 2 Maso 2016. https://www.sefaria.org/sheets/28530, rekuperado en 29 julio 2018.
Christine Hayes: Introduction to the Old Testament (Hebrew Bible). RLST 145, Yale University, 2006, lision segunda.
Jonathan Sarasohn: Creation: Torah vs Science. Sefaria Source Sheet, 23 Mai 2018. https://www.sefaria.org/sheets/117714, rekuperado en 29 julio 2018.
Timo Schmitz: Relation et Formation: Rien n’existe indépendant dans ce monde. 14 agosto 2018.
Timo Schmitz: The Key to the Gate of Religion. Part 1: The Beginning. 31 desiembre 2019.
Laibl Wolf : Cabalá Cuántica. Nada en el universo está en un estado de inamovilidad o descanso absoluto. Jabad.com, sin fecha. https://es.chabad.org/library/article_cdo/aid/1359708/jewish/Cabal-Cuntica.htm, rekuperado en 20 jenero 2020.
Publikado el 4 djulio 2020.
Timo Schmitz 